والدي العزيز شكرا..

السلام عليكم ورحمه الله وبركاته

انا عارفه اني كلامي اللي هكتبه هيزعلكوا وانا اكتر حاجه مبحبهاش اني ازعل اللي بحبهم ..لكن لاننا اخوات وبنحس ببعض يعني في الفرح نبارك وفي الحزن نكون جنب بعض فانا حبيت افضفض معاكوا وافرغ شويه من اللي في قلبي
وزي ما قالت سجود ان النهارده ذكري رحيل اعز انسان عندنا وهو بابا ولاني وعدتها اني ارد رد منفرد لانو بابا مينفعش اقول عنه كلمتين وبس عشان هو اكبر من كده فحبيت اعرفكم علي الراجل العظيم اللي ربانا وكان سبب في نجاحي انا واخواتي بالحياه ومهما قولت عنه مش هوفيه حقه ومش عارفه اوصفلكم اد ايه كان حنين وكريم بطريقه غير عاديه وكان دايما يحب الضحك والهزار ..بيعشق مساعده الغير وياما سهر علي راحتهم وتوفير الامن ليهم اما علاقته بربنا فالحمد لله وعلاقته بينا كانت صداقه جميله ..بيشجع هوايتنا ..بيساعدنا بالمذاكره..كان بيحب كل الناس ويحب يعرفهم ويزورهم
انا عارفه ان الصفات دي فكل اب لواحد فينا واعتقد اني مضيفتش جديد..
لكن الجديد ..هو اني فقدت كل الاحاسيس ديه مره واحده واعتقد انها اكبر خساره بحياتي..للاسف ياجماعه ان الناس بتكون غريبه قووي لما بتكون يتيم ومكسور بيبانوا علي حقايقهم وبتتشال الاقنعه وبتعرف الدنيا علي حقيقتها المره خصوصا لما تكون صغير ومضطر تواجها لوحدك من غير ظهر ليك او باب يحميك من غدرها
اصعب تجربه عشتها انا واخواتي هي مواجهه الحياه بعد بابا ..كان لازم نكون اقوي من كل حاجه كلمتكوا عنها وخصوصا الاستسلام للحزن واننا نكمل بعد بابا ونحقق اللي كان بيتمني يشوفوا مننا وان احنا نحب بعض اكتر من الاول لان الحب بيديك قوه انما الكره بيفرق ويضيع.
خاصه واموات المسلمين عامه
وفي الختام ادعو لوالدي بالرحمه والمغفره وان ربنا يدخله الجنه جزاء صبره علي معاناته مع المرض ويغفر لامواتي وربنا يخليلنا ماما ويبارك في عمري وتشوفنا زي ما بابا كان نفسوا نحققه
واتمني من اخواتي الاعضاء انهم يحبوا اهلهم وميزعلهمش ابدا ويدعيلهم بطوله العمر والبركه
امضاء:رشا محمد سليم(حدوته مصريه)المراقب العام
احمد محمد سليم(ميدو مشاكل)مدير المنتدي
مصطفي محمد سليم(ميكي)مدير مساعد
رضوي محمد سليم(دنيا الاسكندرنيه)كبير المشرفين

[size=21]اللهم اكتبه مع الصديقين و الشهداء و اجمعة بأحبائه فى جنتك و تغمده بمغفرتك و اجعل قبره نورا و أنسا من كل وحشه و أجزه خير الجزاء عن صبره على المحنه و اكتبه عندك من الفائزين هو و كل أمواتنا و أموات المسلمين
اللــــــــــــــــــــهم آميـــــــــــــــــــــــن
ويارب يارشا تحققو كل اللى كان بيتمناه باباكم وتكونو احسن ناس فى الدنيا وربنا يخليلكم ماما وتشوفكم زى ماهى بتتمنى واحسن كمان
اختك ــــــــــ> مى

والله يا رشا أدمعتي عيناي بكلماتك الرقيقه وحقيقي من زمااان ماحستش الاحساس ده بجد لو تعرفي كلامك ده عمل فيه ايه وأثر فيه أد ايه حقيقي حقيقي بجد أنا حاسس اننا كلنا قريبين لبعض قوي مشاعرنا واحده ظروفنا واحده أحاسيسنا واحده رغم الاختلاف في التعبير بس المضمون واحد

ويارب نقدر نعوض غيابهم ونكون زي ماكانوا عاوزينه نكون
للمره الثانيه شكرا يا رشا شكرا يا ميدو شكرا يا مصطفي شكرا يارضوي والله الذي لا رب سواه أنا سعيد بيكم جدا.... والله الكريم أسأل أن تكونوا كما كان يحب الوالد أن تكونوا

بجد انا عاجزه عن الشكر لشعورك الجميل واحساسك بالموقف يمكن لان زي ما قولت ان الظروف واحده وبحمد ربنا ان خلانا نعمل المنتدي ده لسببين والاول هو وجود الكم ده من الاصدقاء وكمان ان والدي يحصل علي اكبر قدر من الدعاء له ولاموات المسلمين من كل هذا العدد
وربنا يديم الحب والموده بين اعضاء المنتدي ويفرح اهلينا بينا ولا اراك في مكروه وجزاك الله خيرا
لكن لي طلب عندك هو قرائه الفاتحه والدعاء لوالدينا في كل صلاه
(فاذا مات ابن ادم انقطع عمله الا من ثلاث..وولد صالح يدعو له)
وارجو من الله ان نكون منهم

بحكيلك عن جد حدوته ومصريه تعرفي احلى شئ بالمنتدى البيت المصري اللي وحشني اناعارفه شويعني تفقدي والدك السند القوه الدعم ولكن متل ماهوواضح والدك ترك الك اخوان شباب بظهرك ربنا يخليهم الك والحمد لله على النعمه هاي تقبلي عزائي ومروري البسيط

طبعا مفيش كلام اقدر اقوله بعد كلامك ده

عارفة انا حاسة بكل كلمة قولتيها
عشان انا كمان فقدتا الاب
الصاحب
والاخ
ومن بعدة الحياة اتغيرت
يارب ارحم امواتنا جميعا

الهم اكتبة من الشهداءو الصدقين واجعل قبرة روضة من رياض الجنة

وربنا يوفقكم وتكونو احسن مما كان يتمنا

يا رب يكون ماواه مع الشهداء والصديقين ربنا يرحمو

وانا عايزه اقولك حاجه احنا هنا كلنا اسرتك وكلنا اخواتك
وكل فرد في المنتدى هو والدك ووالدتك واختك واخوكي
صح احنا مش حنقدر نكون مكانو بس نحاول اننا نعوضك ولو عن جزء بسيط منو

الهم اكتبة من الشهداءو الصدقين واجعل قبرة روضة من رياض الجنة

حدوتة مصرية احنا هنا كلنا اخوات والكل مقدر
الاحساس دا
وكمان فراق اعز واحد في الدنيا عندك كل فرد
ولكن
لازم نعمل على تحقيق كل امنية وهدف
كانو يتمنو لينا
اقراءو الفاتحة على روح اموات المسلمين
والبقاء لله

اللهم اكتبه مع الشهداء والصديقين وكلامك كله صحيح عشان احنا مجربين وفقدت الاب والصاحب ومع فقدانه فقدت كل شي جميل في الدنيا دي كان بيعاملنا معامله الصاحب ومع ذلك انه مات صغيرا وتغيرت معامله الاهل والناس لينا انا واخواتي وامي ربنا يخليها لينا ومعلش ان كنت باتكلم كده والله ده بالفغل حصل والناس كلها بقت كلاب ولا مؤاخذ في الكلمه ومعلش ان كنت بشيل حد همي والبقيه في حياتك

- اللهم حاسبه حسابا يسيرا يامن هو ارحم من عباده بانفسهم ومن الام بولدها

- اللهم ان ( المتوفي ) في كفالتك وفي ضيافتك فهل جزاء الضيف الا الاكرام والاحسان وانت اهل الجود والكرم

- اللهم ان ( المتوفي ) في حاجة الى رحمتك وانت الغني في غنى من عذابه فارحمه

- اللهم حرم لحمه ودمه وبشرته عن النار

- اللهم استقبله عندك خال من الذنوب والخطايا واستقبله بمحض ارادتك وعفوك وانت راض عنه غير غضبان عليه

- اللهم افتح له ابواب جنتك وابواب رحمتك اجمعين

- اللهم اني اسالك يا حنان يا منان يا بديع السموات والارض يا ذا الجلال والاكرام

- اللهم اجعل ( المتوفي ) من الذين اذا احسنوا استبشروا

- اللهم اني اسالك يا ارحم الراحمين ان يكون ( المتوفي ) ممن بشر عند لموت بروح وريحان ورب راض غير غضبان

- اللهم يا باسط اليدين بالعطايا يا قريب يا مجيب دعوة الداع اذا دعاه يا حنان يا منان يا رب يا ارحم الراحمين يا بديع السموات والارض يا احد يا صمد اعطي ( المتوفي ) من خير ما اعطيت به نبيك محمد صلى الله عليه وسلم عطاء ماله من نفاد من مالك خزائن السموات والارض . عطاء عظيما من رب غظيم . عطاء ماله من نفاد عطاء انت له اهل عطاء يليق بجلال وجهك وعظيم سلطانك

- اللهم اغفر ( للمتوفي ) وارحمه عدد من قالها ويقولها القائلون من اول الدهر الى آخره عدد من احصاه كتاب الله واحاط به علمه واضعاف ذلك اضعاف مضاعفه وكل ضعف يتضاعف من ذلك مضاعفة ابد الابد ومنتهى العدد بلا أمد لا يحيط به الا علمه

جزاكم الله اخواني كل خير ولا اراكم في مكروه واخي تامر فتحي اعتبرني اختك وربنا يقويك علي احزانك ويخليلك ولدتك ويطمنها عليكوا

بارشا انا شعرت باحساسك هذا واتمني لكي التوفيق والنجاح انتي واخواتك وان تريحي والدك في قبرة واناس يابنتي بس مش كلهو وحشيين بس بظهروا علي حقيقتهم وقت الشدة وبالذات لما يكون الانسان في مازق

شكرا لكل الدعوات اللى اتقالت

وامين يا رب العالمين

اولا بسم الله لرحمن الرحيم انا حابب اقولك يا رشا انى مش انتى بس اللى بتفتقدى ابوكى بل فى ناس عايشه ومفتقده للابوها بس متنسيش انى رسولنا الكريم صلى الله عليه وسلم اتولد وهو يتيم و ده تقريبا تشريف انى اليتيم يكون كمثل رسولنا الكريم مع الفرق طبعا بس اللى انا عايز اوصلهولك انى يا ما ابهات عايشة ومش عايشة وناس كتير بتكون ابوها ميت بتبقى احسن من اللى ابوها عايش وبعدين انتى ليه تحسبى انى ابوكى مش عايش معاكى يمكن يكون فى الجنة ومستنيكى هناك وشايفك وانتى فى الدنيا لانى الاموات بيحسوا بالبشر نع انى البشر هما اللى اموات فى الزمن ده

وعلى العموم بلاش تفكرى بالطريقة دى تانى وانظرى للحياة بنظرة تفاؤلية وبلاش تشاؤم

والسلام ختام

شكرا لردك والنصيحة الغاليه دى

السلام عليكم ورحمة الله وبركاته
عارفة يا [ حوتة مصرية ] أنا ليا مديرى فى الشغل راجل كبير فى السن لما بتيجى سيرة الموت بيقول كلمة على أد ماهية بتزعلنى على أد ماهية حقيقة بيقول ( لكل بداية نهاية ) .
لكن مع قول رسول الله
قال رسول الله صلى الله عليه وسلم:
"إذا مات ابن آدم انقطع عمله إلا من ثلاث : صدقة جارية وعلم ينتفع به وولد صالح يدعوله"
على ما أعتقد الكلمه ديه مبقاش لها وجود حاولى ترديله الجميل بالدعاء له وللمسلمين الأحياء منهم والاموات .
ولازم الواحد دايماً يكون عارف حقيقة الموت
هوالشك الاقرب لليقين

وربنا يصبرك ويعوضك فى إخواتك بعض إلى فقدتيه فى ولدك
اللهم أرحم سيدنا محمد والنبين والمرسلين والمؤمين
والمسلمين الأحياء منهم والأموات
آمـيــن