أول مرة اعترف اني بحب, وبحب اوي كمان

سلام عليكم

ازيكم يا جماعة

اولا انا موش عارفة ابدا ازاى ولله
لان الموضوع بجد كبير اوى

الحكاية ومافيها انى عندى اعتراف كده
بس مش اى اعتراف

هى حاجة انا مخبياها من زمان
عمرى ماصارحت حد بيها

الموضوع ياجماعة انى بحب

اه بحب

عارفة ان فى ناس ممكن تزعل اول مااقول كده
وانا عارفة الناس دى
بس صدقونى ولله مابيدى

الموضوع ده مش من قريب
لا ده من فترة
من حوالى سنة

بصراحة كانت اول مرة احس انى بحبه فعلا
يعنى الاحساس من قلبى بجد

قبلها ماكنتش مهتمة اوى
يعنى كان بيكلمنى بس مش دايما اسمعله
ينادينى بس مش دايما ارد

ماكنتش مهتمة اعرف حاجة عنه
ولا الكلام اللى بيقوله ليا


بس من سنة بس
سمعتله

عرفت انه بيحبنى اوى
وانه مع كل اللى كنت بعمله وعدم ردى عليه
كان بردو بيحبنى وبيقف جنبى طول الوقت
وبيحمينى وبيساعدنى

بيقولى انه مش هيتخلى عنى ابدا
مش هيسيبنى لحد ماعمرى ينتهى

انه مش مفروض عليا ناحيته غير انى احبه
احبه بجد واعمل اللى يرضيه وبس
وعرفت ان اللى يرضيه دا كمان هيفرحنى اوى

ياااااااااه اد ايه صعب ان الواحد يلاقى حد يقوله كده



الكلام ده كان من سنة
فى فترة الاجازة
وانا فى جده هنا

كنت واقفة فى البلكونة

وسمعت كلامه
سمعته وبكيت اوى وقتها
بكيت من قلبى فعلا

حسيت انى انا غبية انى عندى حبيب وانا سايباه كل ده
كل يوم يندهلى وانا سايباه
طب ازاى ؟؟؟

عارفين كان ايه كلامه ؟؟









" ألم يأن للذين ءامنوا ان تخشع قلوبهم لذكر الله ومانزل من الحق .. "






ايوة يا جماعة


ده كلام ربناا
الاهى سيدى خالقى
حبيبــى

كنت غافلة اوى وناسياه
كان بيطلعنى من اى محنة
مش ناسينى ودايما فاكرنى

بيحبنى

تخيلوا انتوا لو عشتوا العمر كله تدوروا على حد يحبكوا
ويقف جنبكوا ويحس بيكوا ويخرجكوا من اى محنة كده

ولله ولله ولله ماهتلاقوا

عارفين ليه ؟؟

لان كل صفة حلوة فى اى بنى ادم
هى جزء منها من عند الله عز وجل



شفتوا بقى ؟؟


انا وقتها كنت عادى
يعنى لابفكر فى موضوع انى بعمل حاجة غلط
او انى ناسية ربنا او كده

لا ابدا داخلة البكونة اجيب حاجة
بالصدفة سمعت صوت احد الطلبة فى المدرسة اللى جنبنا بيقرأ قران
فى الطابور الصبح

كان بيقرأ الاية دى

ماشاء الله صوت جميل اوووووى
الله يكرمه


انا اول ماسمعته وقفت فى مكانى
اتسمرت بجد

كل حاجة فيا كانت ثابتة
الا دموعى
وكانها سيييييييييييل
مطر


ازاى يبقى حد بيبحنى كده وانا سايباه ؟؟


بذمتكوا مش لو جه بنى ادم واحساسه من جواه كده ليك
كنت هتحبه ؟؟

مابالكم بربكم ؟

يعنى فوز فى الدنيا والاخرة
سعادة فى الدنيا والاخرة

؟؟



انا موش عرافة اقول ايه ولله
بس بجد كان لازم اعترف
واقول انى بحبه اوووووى

ياااااارب ارضى عنى
يااارب اغفرلى وسامحنى
عالعمر اللى ضيعته تايهة
بعيد عنك وعن نعيمك
ياارب
اهدينا وثبتنا جميعا


اللهم آمين





دلوقتى ياجماعة
اتمنى من اى حد يدخل التوبك
لو كان فعلا فى فترة من حياتو ضايع وبعيد عن ربنا
وقرب منه الحمد لله
يحكيلى الموضوع جه معاه ازاى


ولو كان لسه بعيد
اتمنى كلامنا يحرك قلبك
ويخليك تفكر شوية
وتقرب من الله عز وجل


سورى اتكلمت كتير



منقول لجماااله